Bipin Dhungana

भक्तपुर-काठमाडौँ महानगरपालिकाका तत्कालीन प्रमुख प्रशासकीय अधिकृत प्रदीप परियारसहित ७ जनाविरुद्ध भ्रष्टाचारको मुद्दा दायर भएको छ।सामाखुसी कोरिडोरअन्तर्गत बसुन्धरादेखि म्हेपीसम्मको ढल निर्माणको ठेक्कासम्बन्धी खरिद प्रक्रियामा भ्रष्टाचार गरेको आरोपमा परियारसहित सात जना विरुद्ध विशेष अदालतमा आरोपपत्र दायर भएको अख्तियारका सहायक प्रवक्ता देवीप्रसाद थपलियाले जानकारी दिए। परियारसँगै रवीनमान श्रेष्ठ, शिवराज अधिकारी, वसन्त आचार्य, नमराज ढकाल, इन्जिनियर जनार्दन गिरी र सहायक निर्देशक उत्तम दाहालसमेतको संलग्नता रहेको अख्तियारले जनाएको छ। उनीहरुमाथि बदनियतपूर्वक मूल्याङ्कन प्रतिवेदन तयार गरी सार्वजनिक सम्पत्तिमा हानी नोक्सानी पुर्‍याएको, साथै अघिल्लो एक ठेक्कासम्बन्धी विवादलाई मनसायपूर्वक अपव्याख्या गरेर निर्माण व्यवसायीलाई अयोग्य ठहर गराएको आरोप छ।

चितवनमा चर्को गर्मीका कारण जनजीवन प्रभावित बनेको छ। लगातार ३८–३९ डिग्री सेल्सियस तापक्रमले वृद्ध, बालबालिका र बाहिर काम गर्ने श्रमिकहरू बढी प्रभावित छन्। गर्मीका कारण केही स्थानीय तहले विद्यालय बन्द गरेका छन् भने दिउँसो सडक र बजार सुनसान देखिन्छ। भरतपुरको चौबिसकोठीमा मकै बेच्ने चन्द्रकुमारी पुनमगर भन्छिन्, “घाम र आगोको बीचमा दिन बित्छ, शरीर थाकेर गाह्रो हुन्छ। ग्राहक नै हराएजस्तो छन्।”अटो चालक खलबहादुर मगरको भोगाइ पनि उस्तै छः “सडकको रापले काम गर्नै सकिन्न, तर काम नगरी बस्न मिल्दैन।” यस्तै त्रिचोकतर्फ हिँडिरहेका भगवान् शाहीले भने, “गर्मीले समयमै काममा पुग्नै गाह्रो भएको छ।

 सरकारका प्रवक्ता एवं सञ्चार तथा सूचना प्रविधिमन्त्री पृथ्वीसुब्बा गुरुङले प्रतिनिधि सभाको अवरुद्ध बैठक छिट्टै सुचारु हुने बताएका छन्।बुधवार मन्त्रिपरिषद्को बैठकपश्चात सञ्चारकर्मीहरूसँग कुरा गर्दै उनले संसद आइतबार वा सोमबारसम्म सुचारु हुने आशा व्यक्त गरे। विपक्षी दलहरू भिजिट भिसा प्रकरणका कारण गृहमन्त्री रमेश लेखकको राजीनामाको माग गर्दै संसद अवरुद्ध गर्दै आएका छन्। प्रवक्ता गुरुङले अख्तियारले एक जना कर्मचारीमाथि छानबिन थालेको भन्दै त्यो आधारमा गृहमन्त्रीको राजीनामा आवश्यक नरहेको स्पष्ट पारे। उनले भने, “एउटा कर्मचारीमाथि छानबिन हुँदा मन्त्रीले राजीनामा दिँदै जाने हो भने सरकार चल्नै सक्दैन।” उनका अनुसार संसदको अवरोध हटाउने विषयमा सत्ता पक्ष

‘हरेक दिन खेल रोजौँ’ भन्ने नाराका साथ आज बुधबार विश्वभर अन्तर्राष्ट्रिय खेल दिवस विविध कार्यक्रमसहित मनाइँदैछ। यस दिवसको सन्दर्भमा बालबालिकाको समग्र विकासका लागि खेललाई मेरुदण्डको रूपमा स्वीकार्दै यसलाई प्रवर्धन, संरक्षण र प्राथमिकता दिन सरोकारवाला निकायहरूमाथि जोड दिइएको छ। खेल केवल मनोरञ्जनको साधन मात्र होइन, सामाजिक समावेशीकरण, मानसिक स्वास्थ्य सुदृढीकरण र आपसी सम्बन्ध निर्माणको महत्वपूर्ण सेतु हो। विशेष गरी बालबालिकाका लागि खेलले नेतृत्व विकास, समस्या समाधान क्षमतामा वृद्धिदेखि समूहमा काम गर्ने सीपसम्मको आधार तयार पार्दछ। संयुक्त राष्ट्रसङ्घको बालअधिकारसम्बन्धी महासन्धिको अनुच्छेद ३१ ले खेललाई प्रत्येक बालबालिकाको आधारभूत अधिकारको रूपमा मान्यता दिएको छ।